Bedriftene i Haram ønskjer kontakt med deg!

Haram er vide kjent for sitt rike og dynamiske næringsliv. I denne kommunen med om lag 8500 innbyggjarar finn du vel 4000 arbeidsplassar. Her er eit stort mangfald av yrkesgrupper og dei fleste av dei er representert i bedriftene som er med på Zspor.
 

Kjem du til Haram for å arbeide, vil du oppdage at karrieremulegheitene er mange og store. Svært mange av bedriftene her i kommunen opererer på den internasjonale marknaden og fleire av dei er leiande på sine felt.

Dei aller fleste bedriftene gjer det svært godt for tida og er i sterk vekst. Dette krev kompetent arbeidskraft. Gjennom deltaking på Zspor ønskjer bedriftene å kome i kontakt med personar med utdanning og erfaring til jobbane her.